Алайда өрт кырсыгынан бир адам жабыркады

Оштун Алай районунда бир адам өрт кырсыгынан жабыркады. Өзгөчө кырдаалдар министрлигинен кабарлашкандай, Будалык айыл өкмөтүнө караштуу Октябрь айылынын тургунунун үйүндө чыккан өрттөн чатыр, жыгач пол, төрт эшик жана ичиндеги буюмдар күйүп кеткен. Үйдүн ээсинин уулу, 29 жаштагы Талант Матураимов колунан күйүк алып, райондук ооруканага жеткирилген.

Кырсыктын чыгышына электр жабдууларын куроодо коопсуздук эрежеси сакталбаганы себеп болгону айтылууда. (RK)