Таиланддагы эл аралык таймашта Кыргызстан ийгилик жаратууда

Бул күндөрү Таиландда өтүп жаткан улан-кыздар арасында эркин жана грек-рим күрөшү боюнча Азия чемпионатында кыргызстандыктар ийгилик жаратууда. Грек-рим күрөшү боюнча спортчу Хожиакбар Абилкасимов бүгүн коло медал тагынды. Ал эми улан-кыздар арасында спортчу Ажар Замир кызы күмүш медал утуп алды. Ал эми Арсен Дастанов 5-орунга ээ болду.

Олуттуу таймашууга Кыргызстандан 29 жаш балбан катышып жатканын эркин күрөш федерациясынын вице-президенти Жеңиш Дөңбаев “Азаттыкка” билдирди. (КМа)