8-майда Москвада кыргыз президенти Алмазбек Атамбаев Тажикстандын президенти Эмомали Рахмон менен кыргыз-тажик чек арасындагы соңку абалды талкуулады. Бул тууралуу «Азаттыкка» президенттин маалымат катчысы Кадыр Токтогулов кабарлады. Анын айтымында, ЖККУнун бейформал саммитинин алкагында сүйлөшүү өткөргөн президенттер 7-майдагы жаңжал кайталанбашы үчүн өкмөт башчыларынын деңгээлинде чек араны тактоо иштерин тездетүү керектигин белгилеген.
7-май күнү кечке маал чек арага жакын Жака-Өрүк айылынын аймагында кыргыз жана тажик жарандарынын ортосунда жаңжал чыккан. Кыргыз тараптан бир дүкөн, май куюучу жай, эки контейнер жана эки унаа өрттөлгөн. 17 кыргызстандык жабыркаганын, анын 9у ооруканада.
Ал эми Тажикстандан 8 адам жараат алганы кабарланган. Окуяга байланыштуу Кыргызстандын Тышкы иштер министрлиги Тажикстанга нота жиберген. (BkA)
7-май күнү кечке маал чек арага жакын Жака-Өрүк айылынын аймагында кыргыз жана тажик жарандарынын ортосунда жаңжал чыккан. Кыргыз тараптан бир дүкөн, май куюучу жай, эки контейнер жана эки унаа өрттөлгөн. 17 кыргызстандык жабыркаганын, анын 9у ооруканада.
Ал эми Тажикстандан 8 адам жараат алганы кабарланган. Окуяга байланыштуу Кыргызстандын Тышкы иштер министрлиги Тажикстанга нота жиберген. (BkA)
