Кубанычбек Мураталиев 188-каттамдагы кичи автобустун айдоочусу. Айдоочу болуп иштегенине 5 эле ай болсо да шаардыктар Кубанычбек мырзаны жакшы таанышат. Анткени ал маршруткага чыккандардын ар бирин “кош келиңиз” деп жылуу тосуп алып, “жакшы барыңыз” деп жакшы каалоо-тилек менен узатып турат. Эң кызыгы ал жүргүнчүлөргө “чиркөөнүн аялдамасы”, “эски автобекет аялдамасы” деп токточу жерлерди кыргыз тилинде алдын-ала эскертип турууну адатка айланткан. Кубанычбек Мураталиев буга чейин мамлекеттик кызматтарда ийгилик жаратып келген болсо, эми “эң мыкты айдоочу” аталып эл кызматында.