Сокулук райондук милициясынын эки кызматкери пара талап кылганы үчүн кармалды. Бул тууралуу УКМКнын коррупцияга каршы кызматынан билдиришти. Маалыматка ылайык, аталган милиция кызматкерлери АКШнын жаранын “кыз зордуктады” деген айып тагабыз деп коркутуп, 700 доллар акча талап кылган. Буга байланыштуу УКМКнын тергөө башкармалыгы тарабынан милиция кызматкерлерине Кылмыш-жаза кодексинин “Кызмат абалынан кыянаттык менен пайдалануу”, “Пара талап кылуу” беренелери боюнча кылмыш иши козголуп, камакка алынды.(BkA)
