Кытайдын батышындагы Шиңжаң автоном районунун борборунда прокурорлор былтыркы Бээжинде болгон чабуулга байланыштуу сегиз кишиге террор боюнча айып такты. 28-октябрдагы Тян-ан-Мен аянтындагы кол салууда эки турист, кол салган үч киши набыт болуп, 40 адам жараат алган эле. Кол салгандар жүк ташуучу машина менен туристтерди сүрдүрүп келип, аянттагы тарыхый дарбазанын алдында машинасын өрттөгөн окуя үчүн Кытай бийликтери уйгур жикчилдерин күнөөлөгөн.
