Мындай тапшырманы Бишкек мэриясына премьер-министр Жоомарт Оторбаев 3-июнда Кара-Жыгач сейил багындагы абал менен таанышуу учурунда берди. Өкмөт башчынын айтымында, борбордогу бардык сейил бактардагы мыйзамсыз курулуштарды токтотуп, соттун чечиминин негизинде иретке келтирүү зарыл. Премьер бул үчүн өкмөт жакын арада бардык сейил бактар боюнча анализ өткөргөнү жатканын кошумчалады.