Линктер

ЧУКУЛ КАБАР!
3-Март, 2021 шаршемби, Бишкек убактысы 18:38

Алайда жол тоскондор раймилиция башчысын кубалап жиберишти


Жол тосулган жерде, 2-июнь, 2014.
Алайдын Сопу-Коргон айылынын тушунан Ош - Эркеч-Там жолун тосуп турган камактагы депутат Акматбек Келдибековдун тарапкерлери бүгүн кечке жуук алар менен сүйлөшүүгө келген райондук милициянын башчысын кубалап жиберишти. Бул тууралуу "Азаттыкка" окуяга байкоо салып турган жергиликтүү журналисттердин бири билдирди. "Азаттык" бул боюнча Ош облустук милициясына, райондук бийликке кайрылганда алар мындай окуя болгонун тастыктаган да, төгүндөшкөн да жок.

Көп өтпөй жергиликтүү сайттардын бири бул окуядан тартылган видео тасманы чыгарды. Анда бетин чүмбөттөп алган беш-алты атчан жигит айыл четинде токтоп турган бир автоунаага кыйкырып-өкүрүп ат чаптырып келгени, машинедегилер алардан качып кеткени тартылган. Жаалданган атчандар андан ары жол четиндеги бейтааныш адамдарга ыдык көрсөтүп, алардын кимдигин сурап кекетип-мокотуп кирген. Тиешелүү тараптар бул окуя боюнча азырынча комментарий бере элек.

Акматбек Келдибековдун тарапкерлери аталган жолду 27-майдан бери бууп турат. Алар депутатты үй камагына чыгарууну талап кылышууда. (SM)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG