Облус борбору менен Тогуз-Торо районунун борборун туташтырган узундугу 160 чакырым болгон Жалал-Абад - Казарман жолу менен автоунаалар каттай баштады. Аталган жол деңиз деңгээлинен 3080 метр бийик турган Сары-Кыр ашуусуна кар калың түшкөндүктөн былтыр окябрь айында жабылган болчу. Жолду кар күрткүлөрдөн, таш-шагылдардан тазалоого жана ремонт иштерине райондогу №6-автоөндүрүштүк ишканасынан алты техника иштегендигин облустук бийликтин маалымат катчысы Жолдошбай Осмонов билдирди. (YA)