НАТОнун баш катчысы Андерс Фог Рассмуссен Ирактагы кырдаалга терең тынчсыздануу менен көз салып жаткандыгын бүгүн Анкарага барганда билдирди. Согушкерлер Тикриттеги кыргынды далилдеген сүрөттөрдү интернетке коюшту. Ирак армиясы кеминде 170 аскердин өлүгү көрсөтүлгөн сүрөттүн чындыгын бышыктады. Вашингтон "Леванттагы жана Ирактагы ислам мамлекети" радикалдуу уюшмасы боюнча Иран менен сүйлөшүүнү пландап жаткандыгы кабарланууда.
