Алайдан келген топ менен өкмөт качан жолугары аныктала элек

Алайдан келген делегация менен премьер-министрдин жолугушуусу аныктала элек. Бул тууралуу өкмөттүн маалымат кызматынан 18-июнда билдиришти. Акматбек Келдибековду коргоо комитетинин төрагасы Керим Сарыбашев башында турган беш кишини бүгүн Жогорку Кеңештин төрагасы кабыл алышы белгиленген. Делегация 18-июнда айрым депутаттар менен жолугушту.

Вице-премьер-министр Абдырахман Маматалиев премьер-министр Жоомарт Оторбаев менен жолугуштуруу максатында Алайдан делегация чакырган эле. Ош – Эркеч-Там жолун тоскондор Акматбек Келдибековду үй камагына чыгаруу талабын коюп жатышат. (AiT)