Быйыл ажыга жөнөгөндөр 8-23-сентябрда учушат. Кыргызстандан 3685 зыяратчы ажыга барат. Бул тууралуу “Азаттыкка” муфтийдин орун басары Равшан ажы Эратов билдирди.
“Эки жылдан бери Сауд Аравиянын Мекке шаарындагы Ал-Харам мечити кеңейтилип жатканына байланыштуу жергиликтүү бийлик бүткүл дүйнөдөн ажыга келчүлөрдү 20% кыскарткан. Ошого байланыштуу азыраак жөнөтүп жатабыз. Мурунку жылдары 4500 жаранды жөнөтүп келгенбиз”, - деди Эратов.
Ажылыкка арыз берүү 12-июнда токтогон. Ушу тапта квотасынан ашыкча тапшырылып калган аймактарда чүчүкулак ыкмасы менен ажылыкка барчулар аныкталууда.
Быйылкы ажылык баасы 2400 доллар. (МТо)
