Премьер-министр Жоомарт Оторбаев баштаган кыргызстандык делегация бүгүн иш сапар менен Монголиянын борбору Улан-Батор шаарында жүрөт. Бир күн ичинде монгол президенти, өкмөт жана парламент башчылары менен жолугушуулар өтүп, кызматташтыкты бекемдөө маселелери талкууланат.
Кыргыз өкмөтүнүн маалымат кызматынан кабарлашкандай, биометриялык паспорт системасын киргизүү, айыл чарбасы, парламент аралык кызматташтык жана таза шайлоо боюнча Монголиянын тажрыйбасы менен таанышуу болот. Кыргызстандык делегациянын курамында парламенттеги «Ата Мекен» фракциясынын башчысы Өмүрбек Текебаев жана КСДПнын жетекчиси Чыныбай Турсунбеков бар. (RK)
