“Ата Мекендин” лидери Өмүрбек Текебаев бул партиядан чыгып, “Биримдик” партиясын түзүүгө киришкен Карганбек Самаковго ийгилик каалады. Ошол эле мезгилде Самаковдун “Ата Мекен” өз принциптеринен тайды деген сынын четке кагып, Карганбек Самаков өзү депутат катары активдүү болбогонун белгиледи.
Самаков “Ата Мекен” партиясынан чыгуу себебин өкмөт жана парламент жоопкерчиликтен качып, президенттин артына жашынып алганы, натыйжада парламенттик система дискредитация болуп жатканы менен байланыштырган. Ал ошондой эле партия лидерлери жоопкерчиликти алып, өкмөттү башкарууга барыш керек деп эсептейт. (AiT)
