Чехиянын Пардубице шаарында интеллектуалдык оюндар олимпиадасынын акыл таймаштары өтүп жатат. Мелдештин оюндар тизмесине кыргыз элинин тогуз коргоол оюну да кирген. Бул тууралуу “Азаттыкка” Тогуз коргоол федерациясынын президенти Камчыбек Касымов билдирди.
Мелдешке Азиянын эки жолку чемпиону Анарбек Жамакеев, Азия чемпионаттарынын катышуучулары Кубан Сазаев, Мирлан Кудайбердиев, Туйгунбек Талантбек уулу жана Жазгүл Урматова катышып жатат.
11-июлда башталган интеллектуалдык оюндар олимпиадасынын жеңүүчүлөрү 18-июлда аныкталат.(КМа)
