Ленин чокусуна чыгып баратып, жарым жолдо жүрөгү кармап кокусунан каза болуп калган украиналык альпинист Дмитрий Сапуновдун сөөгү мекенине жөнөтүлдү. Бул тууралуу “Азаттыкка” Чоң-Алай райондук Ички иштер бөлүмүнүн жетекчиси Таалай Калбердиев билдирди.
17-июль күнү 7 миң метрден ашуун бийиктиктеги Ленин чокусуна чыгып баратып, 5 миң метрдей жогору көтөрүлгөн учурда альпинисттин жүрөгү кармап, каза тапкан. Жергиликтүү милиция жана куткаруу кызматынын өкүлдөрүнүн жардамы менен маркум Ош облустук ооруканасынын өлүкканасына жеткирилген болчу. (SE)
