Айдын жаңырышына жараша Орозо айт 28-июлда болуп калышы мүмкүн. Бул тууралуу муфтийдин орун басары Равшан ажы Эратов билдирди. Анын айтымында, календардык, космостук эсептөөлөр боюнча айдын жаңырышы 29-июль деп күтүлүп жатат. Ошондуктан муфтият бул күндү Орозо айт деп белгилеген. Бирок ай бүгүн жаңырып калса, муфтий Максат ажы Токтомушев телекөрсөтүү аркылуу айттын так күнү тууралуу коомчулукка кабар бермекчи.
- 28-июлда орозо айт болушу боюнча ыктымал аз. Ошентсе да, биз айдын жаңырышын карап, кошумча маалымат бермекчибиз, - деди Эратов
Мындан эки жыл мурун да ушундай абал жаралып, Орозо айттан кабарсыз калган бир катар адамдар нааразылыгын билдирген эле.(BkA)