"Келгин" жаштар кайда батат?
Май айында Стокгольмдо иммигранттар жашаган райондордун жаштары бир нече күн тополоң салышты. Ушундай эле тополоңдорго буга чейин Европанын бир катар башка шаарларында күбө болгонбуз. Социолог-аналитиктер чоң шаарлардын чет жакаларынлагы конуштарда жашаган мигранттардын социалдык-экономикалык шарттары начар болуп, алар шаарга интеграцияланбай, өздөрүн обочодо сезишээрин айтышат. Натыйжада андай жаштар ар кандай диний экстремисттик же саясий күчтөрдүн куралына айлынып кетиши ыктымал. Бишкектин айланасындагы жаңы конуштарда да инфраструктура өнүкпөгөндүктөн, өзгөчө жаштар бир топ проблемаларга туш болууда. "Өңүт" берүүсүндө биз мына ушул темага кайрылабыз. Айнура Жекше кызы, Тимур Токтоналиев