Данисте: Интернаттан кийин үй барбы?
Ата-энесинин камкордугунан ар кандай себептерден улам ажырагандар жана жетимдер балдар үйлөрүндө же жатак мектептерде таалим-тарбия, билим алып келишет. Кыргызстанда андай балдардын жалпы саны 4 миңге жакын. Кыргыз мыйзамдары боюнча алар 18 жашка чейин гана мамлекет камкордугуна алынат, андан кийин ар ким өз тагдырын өз колуна алат. Айрыкча мээрим төгөр кишиси жок томолой жетимдерди келечекте кандай тагдыр күтөрү белгисиз. “Данисте” радитүрмөгүнүн бул жолку чыгарылышында балдар үйлөрүнөн чыккандарды кандай тагдыр күтөт деген суроого жооп тапканга аракет кылдык.