Президент Владимир Путин бир жылдык мөөнөткө Орусияга каршы санкция киргизген өлкөлөрдөн айыл-чарба азык- түлүктөрүн сатып алууга тыюу салган жардыка кол койду.
Кремлдын маалымат кызматы билдиргендей, президенттин жардыгында бул чаралар “Орус Федерациясынын улуттук кызыкчылыктарын коргоо максатында киргизилди”деп жазылган.
Өкмөт тыюу салына турган азык түлүктөрдүн тизмесин түзүүдө.
Орусия жыл сайын бери дегенде 30 миллиард долларга сырттан азык- түлүк импорттойт. Алардын көбү Москвага санкция киргизген Евробиримдик өлкөлөрүнөн келет.
