Кийинки жылы таланттуу акын Алыкул Осмоновдун 100 жылдыгы белгиленет. Бул мааракени уюштуруу боюнча өкмөттө атайын комиссия түзүлдү. Аны вице-премьер-министр Эльвира Сариева жетектейт. Аталган комиссия өлкө боюнча акындын мааракесин өткөрүүнүн атайын иш планын иштеп чыгып, анын алкагында эскерүү иш-чараларын өткөрмөкчү.
Алыкул Осмонов 1915-жылы Панфилов районундагы Каптал-Арык айылында туулган. Ал 1950-жылы 35 жашында дүйнөдөн кайткан. Анын ырлары кыргыз адабиятында классикага айланып, окурман, адабиятчылар арасында жогору бааланат.(BkA)