Бүгүн Түркия мамлекети биринчи жолу президентин түз добуш берүү аркылуу шайлайт. Буга чейин президент парламент аркылуу шайланып келген.
Мамлекет башчылыгына 3 талапкер ат салышууда. Алар азыркы премьер-министр Режеп Тайип Эрдоган, оппозициядан бирдиктүү талапкер катары Экмеледдин Ихсаноглу жана күрттөрдүн элдик демократиялык партиясынан Селахаттин Демирташ.
Эгер 1-турда талапкерлердин бирөө да жетиштүү добуш топтой албаса, 2-тур 24-августта өтөт.
Коомдук сурамжылоо жыйынтыктарына таянсак, Эрдоганды шайлоочулардын 55 пайызы, ал эми Ихсаноглуну 35 пайызы колдойт.
