Өлкөнүн Улуттук коопсуздук жана коргонуу кеңешинин өкүлү Андрей Лысенконун билдиргенине караганда, Орусиянын гуманитардык кербени андагы жүк Кызыл Чырым комитети тарабынан текшерилмейинче киргизилбейт.
Орусиядан 300дөй жүк ташуучу унаа Украинага бүгүн жол тарткан. Орус расмий өкүлдөрүнүн ырастоосунда, көлөмү 2000 тонна келген жүктүн арасында балдардын тамак-ашынан тартып, төшөнчүсүнө чейин бар.
Эл аралык Кызыл Чырым комитети унаалардын ичине эмне жүк салынганын билбесин айтууда.
Батыш жана украин расмий өкүлдөрү болсо Орусия гуманитардык жардам шылтоосу менен Украинанын чыгышына аскерлерди жөнөтүшү мүмкүн деген кооптонуусун билдирүүдө. (UE)
