31-август эгемендүүлүк күнүнө карата шаардык тиш догдурлар Бишкек тургундарынын тиштерин акысыз дарылайт. Бул тууралуу мэриянын маалымат кызматынан билдиришти.
“Саламат тиштер” акциясы 27-29-август күндөрү өтөт жана ага жаңы конуш жашоочулары да катыша алат. Бул үчүн шаардын тишти дарылоо бөлүмдөрүндө жана аймактык үй-бүлөлүк дарыгерлер борборлорунда акысыз кызмат көрсөтүлөт. Иш-чара тиш ооруларынын алдын алууну жана ага кам көрүүнү көздөйт. (UEz)
