Баткендеги тажик айылдарын айланып өтчү Көк-Таш- Ак-Сай-Тамдык жолунун курулушу жанданды. Жалпы узундугу 25 чакырымдай бул жолдун курулушу былтыр апрель айында башталган. Бирок тажик тараптын ага каршылыгынан улам курулуш жүрбөй, бир нече жолу жаңжал чыгып, токтоп калган. Акыркы жолу ушул жылдын 11-январь күнү эки өлкөнүн чек арачыларынын ортосунда куралдуу кагылышуу болуп, Кыргызстандын 6 чек арачысы жабыркаган.