17-августка белгиленген жыйынга Германиянын, Орусиянын, Украинанын жана Франциянын Тышкы иштер министрлери катышат. Алар Украинадагы абалды жайгаруу жолун талкуулашат.
Украин тышкы иштер министри Павел Климкин жолугушууда Москва өкүлүнөн натыйжалуу сунуштар болоруна ишеним артарын билдирди. Ал Твиттердеги баракчасына бүгүнкү көп тараптуу сүйлөшүүнү Польша өкмөтү да колдоп жатканын жазды.
Украин тарап негизги милдет катары Чыгыш Украинадагы орусиячыл жикчилдердин согуштук аракеттерин токтотуу экенин айтып жатат. (SE)
