Линктер

ЧУКУЛ КАБАР!
10-Май, 2021 дүйшөмбү, Бишкек убактысы 01:14

Чолпон-Ата: ат майдандан Асанбек Көлбаевдин ысымы алынды


Кримтөбөл Камчы Көлбаевдин атасы Асанбек Көлбаевдин ысымы Чолпон-Ата шаарындагы ат майдандан алынды. Бул тууралуу “Азаттыктын” кабарчысына аталган шаардын мэриясынан кабарлашты.

Буга чейин парламенттеги “Ата Мекен” фракциясы ат майдандан Көлбаевдин ысымын алууну талап кылган. Фракция мүчөлөрү ​бул ат майданда сентябрь айында эл аралык "Көчмөндөр оюну" спорттук мелдеши өтөөрүн эске салып, кылмыш дүйнөсүнө тиешеси бар адамдын атасынын ысымы коюлган ат майданда аны уюштурууну уят иш деп баалаган.

Мындан соң өкмөт ат майдандын ысымын өзгөртүү тапшырмасын берген. Мунун негизинде Чолпон-Ата мэриясы ат майдандан Көлбаевдин ысымын алып салуу чечимин чыгарды.

Маркум Асанбек Көлбаевдин ысымы аталган ат майданга 2012-жылдын августунда ыйгарылган.(BkA/UEz)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG