Түркиянын тышкы иштер министри Ахмет Даудоглу башкаруучу Адилеттик жана өнүгүү партиясы - АКПнын төрагасы. Анын премьерлик орунга дайындалары тууралуу президенттик мөөнөтү аяктап жаткан Абдулла Гүл 19-августта Анкарада өткөн коштошуу аземинде журналисттерге айтты.
АКПнын азыркы төрагасы, премьер-министр Режеп Тайип Эрдоган августтун башында президент болуп шайланган. Эрдоган Түркиянын жалпы эл шайлаган биринчи президенти болду. Ал тактыга 28-августта отурат жана анын алдында партия лидерлигинен кетүүгө тийиш. Партиянын төрагалыгына Эрдогандын жакын союздашы Даудоглу шайланат деген кеп-сөздөр кийинки кезде күчөдү. Партиянын жаңы төрагасы АКПнын 27-августтагы курултайында шайланат деп мерчемделүүдө.
