Орто кылымдардагы ойчул Махмуд Кашгаринин “Түрк тилдеринин сөздүгүнүн” кыргызча котормосу кайрадан жарык көрдү. Бул тууралуу Улуттук Илимдер академиясынан кабарлашты.
Буга чейин Махмуд Кашгари тууралуу уламыштар, ырлар окумуштуулар Качкынбай Артыкбаев, Жээналы Шериев аркылуу которулуп, жарыяланган.
Махмуд Кашгари XI кылымдагы түрк калктарынын чыгаан энциклопедист окумуштуусу, тилчи, тарыхчы-этнограф. Ал өзүнүн «Диван лугат ат-түрк» - "Түрк тилдеринин сөз жыйнагы" деген эмгегин 1072-1077-жылдары араб тилинде жазып бүтүргөн.(BkA/ZA)
