Ооганстандын президентинин билдирүүсүнө караганда, өкмөт 2-сентябрда жаңы президенттин ант берүү аземин өткөрүүгө даяр. Бул күн мурдатан эле дайындалган жана ал өзгөргөн жок. Президент Хамид Карзайдын билдирүүсү президенттик шайлоодо ташталган бюллетендерди кайра саноо аяктай элек мезгилде жасалды.
Ооганстандын шайлоо комиссиясы бюллетендердин 60% ашууну саналып бүткөнүн кабарлаган. Президенттикке талапкерлер Абдулла Абдулла жана Ашраф Гани улуттук биримдик өкмөтүн түзүүнү макулдашкан. (AiT)
