Ала-Бука районунда 26-август күнү ылдамдыгы секундасына 26 метрге жеткен шамал болуп, №2030 Чек ара аскер бөлүгүнүн административдик имаратынын чатырын учуруп жиберди. Чатырдын 500 чарчы метри жараксыз абалга келип, радиобайланышты кабыл алуу мамысы кулаганы тууралуу Өзгөчө кырдаалдар министрлиги кабарлады.
Табигый кырсык Ала-Бука кыштагындагы эки кабаттуу турак үйдүн жана “Күнчубак” балдар бакчасынын чатырын да учуруп кеткен. (SE)
