Бул тууралуу өкмөттүн маалымат кызматынан кабарлашты. Комиссия эки өлкөнүн соода-экономикалык, транспорт, миграция, саламаттык сактоо, билим берүү, маданият тармактарында кызматташуусун талкуулады. Талкууланган маселелер боюнча протоколго бүгүн кол коюлат. 28-августта Тажикстандын вице-премьер-министри Азим Иброхимди өкмөт башчы Жоомарт Оторбаев кабыл алып, Кыргызстан менен Тажикстандын ортосунда саясий маселе жок экенин, чек арадагы маселелерди чечүү менен катар соода-экономикалык байланыштарды өнүктүрүү керектигин билдирген. (AiT)
