Линктер

ЧУКУЛ КАБАР!
9-Май, 2021 жекшемби, Бишкек убактысы 02:34

Караколдо сабалган жоокердин иши иликтенип жатат


Каракол шаарында жайгашкан чек ара кызматынын №2028 аскердик бөлүгүндө 31-августтун кечинде капитан катардагы жоокерди ур-токмокко алган. Бул тууралуу токмоктолгон жоокер Улан Айбек уулунун апасы “Азаттыкка” билдирди. Анын айтымында, капитан катардагы жоокерди көз карандысыздык майрамында суусундук алып бербей койгондугу үчүн сабаган.

Чек ара кызматтынын өкүлү Сажира Чоколоеванын айтымында, бул боюнча иликтөө иштери жүрүп жатат. Катардагы жоокерди сабады делген капитан Мирбек Айсарахунов кызматтынан четтетилген.

Учурда 22 жаштагы Улан Айбек уулу Ысык-Көл облустук ооруканасынын травмотология бөлүмундө дарыланууда. Ал аталган бөлүктө бир жылдан бери келишимдик негизде кызмат кылып келген. (UEz/MKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG