АКШ президенти ирактыктарды жаңы өкмөтүнүн бекитилиши менен куттуктап, "Ислам мамлекети" уюмунун согушчандарына каршы өз ара тыгыз кызматташууга үндөдү.
Ак үйдүн кабарлашынча, Барак Обама премьер-министр Хайдар ал-Абадиге 8-сентябрда парламент жаңы өкмөттү бекиткенден кийин телефон чалган. “Президент премьер-министр Абадинин жана башка Ирак лидерлеринин кеңири курамдагы жаңы өкмөттү түзүү аракетин жактап, "Ислам мамлекетинин" коркунучуна каршы туруу үчүн АКШ жана Ирак эл аралык коомчулук менен эриш-аркак иштөөнү уланта бериши керектигин баса белгиледи” деп айтылат Ак үйдүн 9-сентябрдагы билдирүүсүндө.
Ал-Абади дүйшөмбү күнү парламентте сүйлөп, мыйзамсыз куралдуу топторго тыюу салынат деп сөз берген.
