Өткөн жылдын жарым жылдыгына салыштырмалуу быйыл Кыргызстанга чет элден келчү түз инвестиция агымы кыскарды. Улуттук статистикалык комитеттин маалыматына ылайык, 2013-жылы 345 миллион доллардан ашуун инвестиция келген болсо, быйылкы көрсөткүч 219 миллион долларга жакын болду. Бул өткөн жылга салыштырмалуу 38 пайызга аз.
Кыргызстанга көп инвестиция салган өлкөлөрдүн катарына Кытай, Орусия, Канада, Кипр жана Британия кирет. (SE)
