Жумгалдагы өрттө каза болгон эки жарандын жакындарына президенттик фонддон 100 миң сом бөлүндү. Бул тууралуу мамлекет башчынын басма сөз кызматы кабарлады.
11-сентябрь күнү Нарындын Жумгал районуна караштуу Куйручук айыл аймагындагы Каныш капчыгайында чыккан өрттү өчүрүү учурунда өрт коопсуздугу агенттигинин №43 бөлүгүндө иштеген 28 жаштагы Алтынбек Дүйшөналиев жана Жумгал райондук мамлекеттик каттоо кызматынын өкүлү, 32 жаштагы Аваз Нуралиев каза болушкан. (SE)
