Өзбекстанда кылмыш жоопкерчилигине тартылган Гүлнара Каримовага байланыштуу сүрөттөр интернетке жарыяланды. Шейшемби күнү Каримованын Лондондогу өкүлү тараткан сүрөттөрдө үй кийиминдеги Гүлнара аскер адамдары менен жаңжалдашып аткан өңдүү абал көрсөтүлгөн. Өзүн Каримованын басма сөз катчысы деп атап жаткан Локсли Райандын айтымында, сүрөттөр Ташкенде, президенттин кызы үй камагында отурган короодо тартылган.
Өзбекстандын Башкы прокуратурасы президент Ислам Каримовдун тун кызына коррупцияга байланыштуу кылмыш ишин козгогон. (SE)
