Эртең Жогорку Кеңеш өкмөттүн кышка даярдыгын талкуулайт. Бул тууралуу парламент төрагасы Асылбек Жээнбеков билдирди. Анын айтымында, парламенттин координациялык кеңеши ушундай чечим кабыл алган.
Буга чейин өкмөт кышка даярдык тууралуу парламент комитеттерине маалымат берген.
Быйыл суу тартыштыгынан улам кыргыз өкмөтү жай ортосунан тарта эле кыш катаал болорун эскертип келген. Атүгүл премьер-министр Жоомарт Оторбаев кышка даярдыкты өкмөттүн негизги милдети деп атап, электр энериясына кошумча чектөөлөрдү киргизүүнү сунуштаган болчу.(BkA)
