Ички иштер министрлигинин демилгеси менен кыргыз милициясынын түзүлгөндүгүнүн 90 жылдык мааракесин утурлай Жалал-Абад шаарында генерал Эргеш Алиевдин жаркын элесине арналган “Алыш” күрөшү боюнча мелдеш өттү. Бул тууралуу ИИМдин өкүлү Кеңешбек Манапбеков “Азаттыкка” билдирди.
- Республикалык турнир милиция кызматкерлеринин арасында алгачкы жолу өткөрүлүп жатат. Анын максаты - кылмыштын алдын алуу, өздүк курамдын даярдыгын жогорулатуу, жаш өспүрүмдөрдү мекенчилдикке тарбиялоо, - деди Манапбеков.
Жети дубандан 100дөн ашык сопртчулар катышып, жыйынтыгында Жалал-Абад ОИИБнын спортчулары 1-орунга жетишип, баалуу байгелер менен сыйланышты.(RsK)
