Израилдин премьер-министри Бинямин Нетаняху Ирандын өзөктүк куралга байланышкан программасын толугу менен жокко чыгарыш керек деген иойдо.
Нетаняху бул тууралуу дүйшөмбүдө БУУнун Башкы ассамблеясында сүйлөп жатып билдирди. Израил өкмөт башчысы Иранды өтө кооптуу аймактагы өтө коркунучтуу режим деп атады. Ал Тегерандын дүйнөдөгү эң коркунучтуу куралды өнүктүрүшүнө жол бербеш керектигин баса белгиледи.
Иран өзөктүк курал боюнча Израилдин жана Батыш өлкөлөрүнүн айыптоолорун четке кагып, өз программасын тынчтык максатта деп таңуулап келет.
