Бул тууралуу Ички иштер министрлигинен кабарлашты. Маалыматка ылайык, аталган министрликтин Экстремизмге каршы күрөшүү башкармалыгынын кызматкерлеринин операциясынын жыйынтыгында Кыргызстанда тыюу салынган “Хизб-ут Тахрир” уюмунун аялдар канатынын мүчөлөрү кармалган. Алардын жанынан аталган уюмга тиешелүү ар кандай баракчалар табылган. Кармалгандардын баары 20-25 жаштагы айымдар. Алар интернет аркылуу уюмдун идеяларын жайылтып жүргөн. Учурда бул боюнча атайын экспертиза дайындалып, кылмыш ишин козгоо маселеси чечилүүдө.(BkA)
