Өзүн “Ислам мамлекети” деп атаган радикал топ жана башка согушкерлер Ирактын түндүгүндө “аскерий кылмышка тете” укук бузууларга барды. Бул тууралуу БУУнун жаңы жарыяланган баяндамасында айтылат. Анда 6-июлдан 10-сентябрга чейин бул аймакта адам укуктарын одоно бузган учурлар катталганы белгиленген. Ага массалык адам өлтүрүүлөр, сексуалдык кулчулук үчүн кыз-келиндердин уурдалышы, жаш балдарды жоокер катары согушка пайдалануу кылмыштары киргизилген.
Докладда радикал исламчыл топтордун чабуулунан дээрлик 10 миң адам өлгөнүн, 1,8 млн. ирактыктар өз үйлөрүн таштап кетишкени жазылган. (КЕ)
