Оштун мурунку мэри Мелис Мырзакматовдун жакыны Жеңиш Садиевди өлтүрдү деп айыпталган Ислам Султанов жана Таалай Нуриев өмүр бою эркинен ажыратылды. Мындай чечимди бейшембиде Кара-Суу райондук соту кабыл алды. Сот аталган адамдар Садиевди жеке келишпестиктен улам өлтүргөнүн, бардык күнөөлөрү далилденгенин билдирди.
Жеңиш Садиевди быйыл 30-апрелде Кара-Суу районунун Дыйкан-Кыштак айылындагы үйүнөн атып кетишкен. Чачма мылтыктын огунан жараат алган 37 жаштагы Садиев ооруканада жан берген. (YI/BkA)
