НАТОнун баш катчысы Йенс Столтенберг Украинанын чыгышында ок атууну токтотуу тууралуу макулдашуунун бузулуп жатканына терең тынчсыздануусун билдирди. Бул тууралуу ал Польшада НАТОнун баш катчысы катары жасаган алгачкы сапары маалында айтты.
Польшадагы Ласки аскер-аба базасында сүйлөп жатып, Столтенберг Орусия өзүнүн таасирин жикчилдерди тынчтык келишимин сактоого колдонушу керектигин, НАТО өзүнүн мүчө өлкөлөрүнүн аймагын коргой турганын баса белгиледи. (ZMa)
