Бүгүн, Жогорку Кеңеш Бажы биримдигинин шарттарына ылайыкташуу боюнча 16 мыйзам долбоорун 1-окууда кабыл алды. Парламент депутаттары Кыргызстандын Бажы биримдигине кириши өлкө үчүн минусунан плюсу көп экенин белгилешип, аталган мыйзамдар 1-окууда көпчүлүк добуш менен кабыл алынды.
Өкмөт буга чейин Бажы биримдигине кошулуу боюнча 38 мыйзам долбоорун жана 12 укуктук-нормативдик документти иштеп чыккан.
29-майда Евразия экономикалык шериктештигинин Астана саммитинде Кыргызстандын Бажы биримдигине кириши боюнча жол картасы кабыл алынган. Анда президент Алмазбек Атамбаев Кыргызстанды жыл аягына чейин Бажы биримдигине кошуу ниетин билдирген.(UEz)
