Бул күнгө карата кол өнөрчүлүк тармагындагы жетишкендиктер жана көйгөйлөр тууралуу маалымат жыйыны уюштурулуп, кыргыз шырдактарынын жармаңкеси да өтөт.
Ушул жылдын март айында кыргыз шырдагы менен ала кийизин чукул коргоого алуу чечимин ЮНЕСКОнун материалдык эмес маданий мурастарды коргоо комитети чыгарган. Аны тастыктаган сертификатты ЮНЕСКОнун башкы директору Ирина Бокова Кыргызстандын Жогорку Кеңешинин депутаты Карганбек Самаков баштаган делегациясына Парижде тапшырган. (ZMa)
