Орусиянын бийлиги Украинадан аннексияланган Крымда эл каттоо жүргүзүп жатат. Бүгүн башталган жараян 25-октябрда жыйынтыкталмакчы. Жарым аралдын статистика кызматынын өкүлү Елена Твировичтин айтымында, анкетага жашаган жеринин дареги, үй-бүлөлүк макамы, кирешеси, улуту өңдүү 33 суроо киргизилген.
Эл каттоо крым татарларын куугунтукталышы тууралуу маалыматтар көбөйүп жаткан кезге туура келүүдө.
2001-жылкы эл каттоого ылайык, жарым аралдын калкы 2, 34 миллион киши болчу. 60 проценти өздөрүнүн улутун орус деп, 24 – украин, 12,4 проценти крым татары деп аташкан. Орусия болсо эмки эл каттоону 2020-жылы өткөрүүнү пландоодо.