Казакстандын борбору Астана шаарында Борбор Азия жана Европа Биримдигине мүчө өлкөлөрдүн юстиция министрлеринин конференциясы өтүүдө. Ага Кыргызстандын юстиция министри Алмамбет Шыкмаматов катышып жатат. Министрдин “Азаттыкка” билдиришинче, жыйында Борбор Азия өлкөлөрүндөгү мыйзамдардын эл аралык укук стандарттарына дал келтирүү, бул багыттагы реформалардын жүрүшү талкууланууда. Анда Шыкмаматов Кыргызстандагы укуктук көйгөйлөр, адам укугунун абалы жана сот реформасынын жүрүшү тууралуу баяндама жасады.(BkA)
