Бишкектин четиндеги Ак-Өргө жаңы конушунун түптөлгөнүнүн 25 жылдыгы белгиленүүдө. Бул датага карата аталган конушта мааракелик иш-чаралар өтүп жатат. Ага конуш жашоочулары, бийлик өкүлдөрү катышууда.
1989-жылы Бишкекте жана Ошто мамлекеттен үй курууга жер сураган үй-жайсыз жаштардын маселеси абдан курч турган. Алар биригип, “Ашар” кыймылын түзүшкөн. Кыймыл мүчөлөрү түптөгөн эң алгачкы жаңы конуш Ак-Өргө болгон. Андан соң бул кыймыл өлкөнүн эгемендик алып, демократиялык жолго түшүүсү үчүн күрөшкөн.(BkA)
