Кыргызстандын Өзгөчө кырдаалдар министрлигинин адистери менен Тажикстандын Жарандык коргонуу комитети Баткен облусунда биргелешкен командалык-штабдык окууларды өткөрүшөт.
“Стихия-2014” деп аталган окуулардын максаты – өзгөчө кырдаалдар учурунда аракеттердин координациясын бекемдөө. Мунун алкагында масштабдуу жер титирөөнүн мисалында транс чек аралык мүнөздөгү өзгөчө кырдаалдар пайда болгондо биргелешкен аракеттерди иштеп чыгуу, ири масштабдагы кырсыкта чогуу аракеттенүү боюнча уюштуруучулук-укуктук маселелердин комплексин чукул арада чечүү боюнча практикалык көндүмдөрдү жакшыртуу каралган. (ZMa)
